A- A A+

የመንግሥት (የሕዝብ) ብሮድካስት አገልግሎት ማለት ምን ማለት ነው?

ሕዝብን ለማስተማር፣ ለማሳወቅና ለማዝናናት በአገር አቀፍ ወይም በክልል የሚቋቋም ተጠሪነቱም ለፌደራል የሕዝብ ተወካዮች ወይም ለክልል ምክር ቤቶች የሆነ በሙሉ ወይም በከፊል የመንግሥት በጀት የተመደበለት የሬዲዮ ወይም የቴሌቭዥን አገልግሎት ማለት ነው።  

የንግድ ብሮድካስት አገልግሎት ማለት ምን ማለት ነው?

ትርፍን መሰረት ያደረገ፣ ሕዝብን ለማስተማር፣ ለማሳወቅና ለማዝናናት ሕጋዊ ሰውነት ባለው አካል የተቋቋመ የሬዲዮ ወይም የቴሌቭዥን አገልግሎት ማለት ነው። 

ማኅበረሰብ ማለት ምን ማለት ነው?

አንድ የተለየ እና የተረጋገጠ የጋራ ፍላጎት ኖሯቸው በአንድ መልክአ ምድራዊ አካባቢ የሚኖሩ ወይም የጋራ ፍላጎት በሚያገናኛቸው የሕረተሰበ ክፍሎችን የያዘ ነው።  

የማኅበረሰብ ሬዲዮ ማለት ምን ማለት ነው?

በማሕበረሰቡ ፍላጎት ተቋቋመ፣ በማሕበረሰቡ የሚመራ እና የሚተዳደር ለትርፍ ያልተቋቋመ የሬዲዮ ብሮድካስት አገልግሎት ነው።

የጋራ ፍላጎት የማኅበረሰብ ሬዲዮ ማለት ምን ማለት ነው?

የጋራ ፍላጎት የማኅበረሰብ ሬዲዮ” ማለት ፆታን፣ እድሜን፣ ሙያን ወይም መሰል ሁኔታን መሰረት አድርገው ለተቋቋሙ የጋራ ወይም ተመሳሳይ ፍላጐት ላላቸው ማኅበረሰቦች አገልግሎት የሚሰጥ የማኅበረሰብ ሬዲዮ ነው። 

መልክአ ምድራዊ የማኅበረሰብ ሬዲዮ ማለት ምን ማለት?

መልክአ ምድራዊ የማኅበረሰብ ሬዲዮ ማለትመልክአ ምድራዊ ክልልን ወይም ወሰንን መሠረት በማድረግ ከአሰፋፈር አኳያ በአንድ በተወሰነ አካባቢ ለሚኖሩ ማኅበረሰቦች አገልግሎት የሚሰጥ የማኅበረሰብ ሬዲዮ ነው። 

የከፍተኛ ትምህርት ተቋም የማኅበረሰብ ሬዲዮ ማለት ምን ማለት ነው?

የከፍተኛ ትምህርት ተቋም የማኅበረሰብ ሬዲዮ” ማለት በከፍተኛ የትምህርት ተቋም የመማር ማስተማር ሂደት ውስጥ እገዛ የሚያደርግ እና ለተቋሙ ማኅበረሰብ ብቻ አገልግሎት የሚሰጥ የማኅበረሰብ ሬዲዮ ነው። 

ማኅበረሰብ ተኮር የከፍተኛ ትምህርት ተቋም ሬዲዮ ማለት ምን ማለት ነው?

ማኅበረሰብ ተኮር የከፍተኛ ትምህርት ተቋም ሬዲዮ” ማለት ለከፍተኛ ትምህርት ተቋም እና በተቋሙ አካባቢ ለሚገኙ ማኅበረሰቦች አገልግሎት የሚሰጥ የማኅበረሰብ ሬዲዮ ነው። 

ማኅበረሰብ ተኮር የአካባቢ አስተዳደር ሬዲዮ ማለትምን ማለት ነው?

ማኅበረሰብ ተኮር የአካባቢ አስተዳደር ሬዲዮ” ማለት በአካባቢው አስተዳደር እና ማኅበረሰብ የተቋቋመ እና ለአካባቢው ማኅበረሰብ አገልግሎት የሚሰጥ የማኅበረሰብ ሬዲዮ ነው። 

ቅሬታ ማለት ምን ማለት ነው?

ቅሬታ ማለት በብሮድካስት አገልግሎት መብቴ ተነክቷል ወይም በአግባቡ አልተስተናገድኩም በማለት በብሮድካስተሮች ላይ የሚቀርብ አቤቱታ ነው፡፡

ጥቆማ ማለት ምን ማለት ነው?

ጥቆማ ማለት በማናቸውም ብሮድካስተሮች ላይ የብሮድካስት አገልግሎትን አስመልክቶ ማስተካከያ ወይም እርምት እንዲደረግ ለባለስልጣኑ በሚቀርብ መረጃ የሚሰጥ አስተያየት ነው፡፡ 

JoomShaper